ब्रोकोली खा आणि रोगांपासून स्वतःला दूर ठेवा

ब्रोकोली ही एक हिरव्या रंगाची फ्लॉवरसारखी दिसणारी भाजी आहे.या भाजीतील हिरवे आणि जांभळे दिसणारे लहान लहान झाडासारखे दिसणारे भाग हे खायचे असतात. कच्च्या ब्रोकोलीची चव कोबीसारखी असते.

ब्रोकोली खाण्याचे फायदे

ब्रोकोलीमध्ये आवश्यक विटामिन आणि फायबर असतात आणि त्यामुळे तुमची पचनव्यवस्था सुरळीत होते. पोट साफ होऊ आतडी स्वच्छ राहतात. हे खाल्ल्याने शरीरातील विषारी द्रव्ये बाहेर फेकली जातात व शरीर साफ राहते.

मेंदू तल्लख बनवते

ब्रोकोली खाल्ल्याने मेंदू तल्लख होतो. गरोदर स्त्रियांसाठीही हा चांगला आहे. यात भरपूर प्रमाणात विटामिन के असते.याने स्मरणशक्तीतही वाढ होते.

केस आणि त्वचेसाठी गुणकारी

ब्रोकोली हे केस आणि त्वचेच्या आरोग्यासाठी उत्तम आहे.यातील विटामिन ए आणि सी मुळे त्वचा चमकते , केसही मजबूत होतात.

एलर्जी पासून वाचवते

जर तुम्हाला त्वचेची किंवा कोणतीही एलर्जी असेल तर ब्रोकोली जरूर खा. याने तुम्हाला नक्कीच फायदा होईल.

मधुमेहासाठी गुणकारी

जर तुम्हाला मधुमेह असेल तर नक्की ब्रोकोली खा. हे खाल्ल्याने तुमच्या शरीरातील रक्तातील साखरेच्या पप्रमाणावर नियंत्रण राहील.फक्त मधुमेह नाही तर क्षयरोगासारख्या भयानक आजारांपासून वाचण्यास ब्रोकोली आपली मदत करते.

पोटाच्या तक्रारी कमी होतात

ब्रोकोली नियमित खाल्ल्याने पोटाशी संबंधित विकार दूर होतात. यात भरपूर प्रमाणात फायबर असल्याने बद्धकोष्ठता नाहिशी होते. अन्नाचे नित पचन झाल्याने तुमचे आरोग्य नीट राहाते.

डोळ्यांसाठी उत्तम
डोळ्याच्या आरोग्यासाठी ही उत्तम भाजी आहे. हे खाल्ल्याने डोळे नीट राहातात. नजर सुधारते.

रोगप्रतिकारक शक्तीत वाढ

ब्रोकोली खाल्य्याने रोगप्रतिकारक शक्तीत वाढ होते. रोगांशी सामना करण्याची तुमची क्षमता वाढते आणि आजारी पडण्याचे प्रमाण कमी होते.

हाडे आणि दात बळकट होतात

ब्रोकोली खाल्ल्याने हाडे आणि दात मजबूत होतात. सांधेदुखीचा त्रास असणार्यांनी ब्रोकोली नक्की खावी. गरोदर स्त्रिया आणि स्तनपान करणाऱ्या स्त्रियांसाठी हे खूप लाभदायक आहे. ब्रोकोली कॅल्शीयमचा उत्तम स्त्रोत आहे.

रक्तदाब नियंत्रित होतो

ब्रोकोली खाल्ल्याने रक्तदाब नियंत्रित राहतो. ज्यांना हा त्रास असेल त्यांनी जरूर ब्रोकोलीचा समावेश त्यांच्या आहारात करावा.

तर हे सगळे आहेत ब्रोकोली खाण्याचे फायदे. आजच ब्रोकोली खाणे सुरु करा. ब्रोकोली तुम्ही कच्ची किंवा शिजवून, कशीही खाऊ शकता.

तुम्हाला आमचा हा लेख कसा वाटला आम्हाला नक्की कळवा इतरांशी शेयर करा.

Facebook Comments

Leave a Reply

Your email address will not be published. Required fields are marked *